Saytimizning yangi versiyasi n.ziyouz.com sahifasida. Barcha yangi maqolalar va kitoblarni n.ziyouz.com dan olishingiz mumkin.
Ziyo istagan qalblar uchun - Said Ahmad. Bosh ogrigi (hajviya)

19.10.2019 y.
Asosiy
Bosh sahifa
Siyosat
Fan va ilm
Sara maqolalar
Ozbek matbuoti
Durdona toplamlar
Ma`naviyat
Islom
Hikmatlar
Tarix
Oila va jamiyat
Ozbek maqollari
Jahon maqollari
Ibratli hikoyatlar
Tafakkur gulshani
100 faylasuf hikmati
Suhbatlar
Adabiyot
Ozbek ziyolilari
Kutubxona
O'zbek she'riyati
Jahon she'riyati
Ozbek nasri antologiyasi
Jahon nasri antologiyasi
Barcha kitoblar
Madaniyat
San'at
Kino olami
Sport
Dam olish
Ajoyibotlar
Reytinglar
Kross-shou
Hajviyalar
Topishmoqlar
Ozbek xalq ertaklari
Tahririyat
Muallif haqida
Sayt haqida
Qidirish
Foydali sahifalar
Yangi versiya
Arxiv
Xizmatlar
Tabriknoma/E-cards
Fotogalereya
Fayllar/Downloads
Forum
Mehmonxona
 


Saytdan materiallar olib chop etilganda manzilimiz ko`rsatilishi shart.
 
“Mashhur payg‘ambarlar va fotihlar orasida hayoti Hazrati Muhammadning (alayhissalom) tarixidek eng ko‘p va barcha nuqtalarda batafsil o‘rganilgan shaxs yo‘q”.
Jon Devenport, ingliz olimi
 
 

Said Ahmad. Bosh ogrigi (hajviya) Chop etish uchun E-mailga yuborish
BOSH OG’RIG’I

Iskandarov boshqarmadan eshitadiganini eshitdi. Olib kelgan hujjatida yana xato. Ikki yuz o‘ttiz ming o‘rniga ikki yuz o‘ttiz yozilibdi, Hujjatga qo‘l qo‘yayotganda yaxshi qaramagan ekan. Mana, boshqarma plan bo‘limida uni rosa qizartirishdi.
Hozir Iskandarov mashinada o‘zidan o‘zi ming‘illab sekretar qizning go‘riga gisht qalab kelyapti. Undoq qilaman, bundoq qilaman, bunaqa sekretarning boridan yo‘g‘i. Bo‘shataman...
U tajang bir qiyofada idoraga kirdi. Mashinka shiqillatib o‘tirgan sekretar qizning betiga ham qaramay, kiring, deb o‘tib ketdi.
O’zini kresloga tashlab, stolni chertib, asabini bosmoqchi bo‘lib turganda lablari qip-qizil, beli supurgining boylangan joyidek ingichka, ikki qulog‘iga oftobni uzib olib qo‘ygandek yaltiroq zirak taqqan, jo‘xori popugidek mayin sochli bir qiz kirdi. U sekretar edi. Iskandarov unga xo‘mrayib qaradi. Sekretar qiz ko‘zlarini suzib, bir-ikki marta kiprik qoqdi. Tavba. Iskandarovning shu paytgacha razm solmagaiini qarang-a, kiprik ham shunaqa uzun bo‘ladimi? Har kiprik qoqqanda ikki yuzini berkitib qo‘yadi-ya.
Iskandarov bir necha daqiqa unga mahliyo bo‘lib turdi-da, o‘zini bosib oldi. Boyagi jahli yana taniga qaytib keldi. Endi qizning betiga emas, polga qarab gapirishga chog‘landi. Nima balo bo‘ldi-yu, ko‘zi chalg‘ib sekretar qizning ignadek poshnasiga, undan keyyn ilon po‘stiga o‘xshash noskisiga ko‘zi tushdi. Yana jahli o‘lgur allaqayoqqa qochib ketib, yuziga bilinar-bilinmas tabassum yugura boshladi, Iskandarov bir seskanib, yana hushini yigib oldi. Endi u deraza tarafga qarab gapga chog‘landi.
Deraza oynasidan yana qizning chehrasi namoyon bo‘ldi. Beixtiyor dilidan «beli, yelkalari deraza oynasidan shundoq ko‘rinsa, to‘g‘ri qaraganda qandoq bo‘ldi ekan» degan fikr o‘tdi.
Ochiq derazadan kirgan mayin shamol qizning prichyoskaga so‘z bermagan ikki tola sochini bo‘yniga, tomog‘ining tagiga, yarim dekolte ko‘kragiga tekkizib o‘ynardi.
Iskandarov bir necha minut tabiatning bu mo‘‘jizasiga lol qarab qoldi. Gapiray desa, tildan qolganga o‘xshaydi, xo‘mrayib qaray desa, yuzidagi tabassumni yig‘ishtirib bo‘lmaydi.
Erkak odam ancha irodali bo‘ladi. Iskandarov ham bor kuchini yig‘ib, o‘rnidan turdi. Zarda qilib, burchakka bordi-da, ikki qo‘lini orqasiga qilib o‘girilib oldi.
U shu turishicha qancha turganini aniq bilmaydi. Qiz yo‘taldi. Bay bay uning ovozi. Bu ovoz uni yana seskantirdi. Nazarida qiz sekin kelib ikki ko‘zini berkitib oladigan, oynami, taroq deydiganga o‘xshab shoshib o‘girilib oldi.
Shu alfozda yarim soatdan ortiq Iskandarov goh seskanib, goh qaltirab, goh g‘azabu, goh tabassum bilan mushuk-sichqon bo‘ldi.
Oxiri sekretar qiz boshliqni yengganiga ishonch hosil qildi.
–  Iskandarov aka, nimaga chaqirgan edingiz? –  dedi.
Iskandarov nima deyishini bilmay, ozroq chaynaldi:
– Kecha boshim og‘riyapti degan edingiz, qalay, endi durustmisiz?
– Haliyam jindek og‘rib turibdi, Iskandarov aka.
Birdan Iskandarovning mehribonchiligi tutib ketdi.
– Siz g‘alati odam ekansiz-ku, sog‘liqni ehtiyot qilish kerak. Bunaqada dardga chalinib qolasiz. Boring, uyga borib dam oling. Bosh og‘rig‘ingiz bosilmasa, bir-ikki kun ishga chiqmasangiz ham mayli. Sog‘liq kerak, sog‘liq.
Qiz minnatdorchilik bildirib chiqib ketdi.
Ertasiga Iskandarov ogohlantirish oldi. Sekretar qiz otchyotni ko‘chirganda, «boshqarma» o‘rniga «moshqarma» deb yozibdi.
Iskandarov yana g‘azabga keldi.
Bunaqa g‘azablarning ko‘pini ko‘rganmiz...
 
« Oldingi   Keyingi »

Kitob qidirish
Qidirish: 
Sarlavhasidan qidirish: 
Nomidan qidirish: 
Statistika
A'zolar : 1
Yangiliklar : 8817
Veb linklar : 44
Tashrif buyurganlar : 82568012

Yandex