OʼZ  ЎЗ  РУ  EN

Xirosi Nuyama

QOR YONADI LOVULLAB...

Derazada o‘tiraman
Asta egib bosh.
Derazada dam oladi
Sovqotgan quyosh.
Sovuq nurin oynasiga
Sochib, uyalib.
Men turaman chap yelkam-la
Unga suyalib...

Derazaning chap yonidan
Qilsam tomosha,
Ziraklardek tizilishib
Chap yelkam osha,
Sovuq kamoq bo‘g‘otida
Qator sumalak.
Mash’um qishning shum in’omi
Shu bo‘lsa kerak.
O‘ng tomondan qarar bo‘lsam:
Kech kirmish darrov.
O‘ng qo‘limning kaftlariga
Yig‘ilar qirov.

Tor deraza. Derazada
Temir panjara
Qor yonadi oynasida
Lovullab, qara!

Shuhrat tarjimasi

Saytimiz rivojiga hissa

Uzcard: 8600 5504 8563 9786

© 2004-2020 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.