OʼZ  ЎЗ  РУ  EN

Anvar Obidjon. Shubha (hajviya)

– Keyingi kunlarda menga shubha bilan qaraydigan bo‘pqoldingiz. Ko‘nglingizdagini ochiq aytavering, Ahmadxon aka.
– Nimaniyam gapiray? Umuman... rasvosan!
– Yo tavba!
– Ha! Senda menga nisbatan hech qanday samimiylik yo‘q.
– Yo tavba! Yo tavba!
– Bilaman, tiling boshqa, diling boshqa. Ko‘pdan beri, sal payt topildi deguncha, meni laqillatib yuribsan.
– Yo tavba-a-a...
– Shuncha vaqt birga bo‘lib... Yo‘q, bunchalikka borishingni sira kutmagandim.
– Ahmadxon aka!..
– Gap shu – meniyam, o‘zingniyam qiynama. Hali yoshsan. Fursatni boy bermay, baxtingni boshqa joydan axtarib ko‘r.
Maratvoy boshlig‘iga shalvirab boqdi: «Mana, o‘rinbosarlikkayam suv ketdi...»

1978 yil

Saytimiz rivojiga hissa

Uzcard: 8600 5504 8563 9786

© 2004-2020 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.