OʼZ  ЎЗ  РУ  EN

Said Ahmad. Kechasi soat 3 da beva yozuvchining kallasiga kelgan gaplar

Qayta qurish bundan qirq yil oldin boshlangan bo‘lsa-yu, otang bilan onang ham qayta ishlangan bo‘lsa, seni kim tug‘ardi?

* * *

Baqiroq, yoqimsiz qo‘shiqchi endi avjiga chiqqanda to‘xtatib, soat nechchi bo‘ldi, deb so‘rash kerak.

* * *

Ba’zi yosh qizlar yozuvchilarning puli ko‘p deb o‘ylashadi. Yozuvchiga erga tegib ko‘rishsa qanaqaligini bilishardi. Shu mirquruq yozuvchiga-ku, erga tegibsan, ko‘rayapsanki tirikchilik o‘tmayapti. Ajraladigan bo‘lsang, bo‘yningdagi yetti shoda durni, qulog‘ingdagi brilliant ko‘zli zirakni, barmog‘ingdagi olmos qadalgan uzukni sotmasdan oldin ajralsang bo‘lmasmidi?

* * *

Telestudiyadagi chiroyli diktor qizlarni ishdan bo‘shatib, o‘rniga kampirlarni qo‘yish kerak. Chollarning ko‘nglini buzishga yo‘l qo‘ymaymiz. Veteran pensionerlarning talabi shu!

Saytimiz rivojiga hissa

Uzcard: 8600 5504 8563 9786

© 2004-2020 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.